DÍA DO LIBRO

No C.E.I.P. A Escardia no día do libro contamos coa presenza do autor e ilustrador Abraham Carreiro. Fíxonos algúns dos personaxes dos seus libros: O cazador de Cambodia, Latcho Drom, A pel de crocodilo e As espiñas do porco espiño.Conxuntamente coas diferentes bibliotecas de Vilagarcía fixemos unha selección de libros que nos parecían interesantes que os nenos coñeceran e animalos a través de carteis alusivos a ditos libros(textos, debuxos, título e autor ou tejuelo) a que os buscasen na biblioteca.

Proposta didáctica PALE 2009

Ola, son Margarita Casal Tacón, aquí vos deixo a proposta elaborada dentro das actividades da fase C do PALE 2009 para que a descarguedes e fagades uso dela.

Consta de dúas actividades, unha tarefa PDI sobre o vocabulario da casa e unha tarefa EdiLIM sobre o conto 'Os tres porquiños'.

Espero que vos sexan de utilidade.

Para calquera contacto ou información: margaritacasal@edu.xunta.es

----------------------------------


Proposta didáctica: The House
Nivel ao que vai dirixida a proposta: 2º Ciclo Primaria
Nº de sesións da proposta: 2

Competencias a traballar:
- Competencia en comunicación lingüística, matemática, e no coñecemento e a interacción co mundo físico. Tratamento da información e competencia dixital. Competencia para aprender a aprender. Autonomía e iniciativa persoal.

Obxectivos:
- Entender un conto por medio da lectura.
- Identificar, ampliar e consolidar o vocabulario relacionado coa casa.
- Ampliar vocabulario de accións ( leave, buid, knock, burns...)

Contidos:
- Ler unha historia e respostar por escrito a preguntas de comprensión.
- Relacionar ilustracións coa súa expresión escrita.
- Observar ilustracións e escribir frases.
- Localizar en sopas de letras palabras do vocabulario.

Áreas/Materias/módulos: Lingua inglesa

Valores a traballar:
- O éxito a través do esforzo persoal.

Proposta de actividades por sesións: Pódese realizar nunha sola sesión.

Criterios e instrumentos de avaliación:
- Comprobar que o alumno é quen de identificar vocabulario relacionado coa casa.
- Mostrar comprensión ante a lectura dun conto sinxelo.

Descargar tarefa PDI
Descargar tarefa EdiLIM


Un saúdo.

Aquí tedes as fotos do libro do Día da Paz.

30 de xaneiro, Día da Paz

Ola a todos de novo! Con motivo da celebración do Día da paz, o 30 de xaneiro, este venres, ao longo destas semanas vimos realizando diferentes actividades. Entre todo o cole,e seguindo co proxecto iniciado sobre "Os Contos clásicos".Inventamos un conto encadenado,comenzaron os nenos/as de 3 anos e o rematarán os nenos/as de 6º.

En coloraboración coas familias, tamén se vai construir "a porta da Paz". Cada familia aportará un envase de brik decorado coa palabra que considere represente a Paz.

Os contos clásicos

Neste primeiro trimestre, guiados polo Equipo da Biblioteca e coa colaboración do resto dos Equipos do centro (Actividades Extraescolares, Normalización Lingüística, Tic), estivemos a traballar os contos clásicos. Algunhas das actividades que realizamos foron as seguintes:

• Exposición na entrada da Biblioteca de contos clásicos.
  


• Lectura de diferentes versións dos contos, fixándonos na estrutura dos mesmos (inicio, nó e desenlace).


• Contacontos por parte dos alumnos/as a nenos/as de outros niveis.


• Reescrición e ilustración dos contos traballados por niveis: Educación Infantil (A Ratiña Presumida); 1º ciclo de Primaria (Os cisnes salvaxes); 2º ciclo (Os sete cabritos) e 3º ciclo (O perscador e a súa muller), utilizando diferentes formas de reescribilo.


• As personaxes dos contos: no primeiro ciclo elaboráronse libros coas personaxes do conto dos "Cisnes salvaxes", facendo unha descrición de cada un deles.


• A biografía dos autores: dos irmáns Grimm, Perrault, etc.


• Representación teatral e de títeres o día do Festival de Nadal.

O Equipo de Actividades Extraescolares colaborou facendo as diferentes personaxes dos contos para ambientar o colexio, ademais, dun diaporama para reprensentar o Belén chamado "Un belén de conto", no que aparecen as distintas personaxes dos contos, elaboradas polos nenos de todos os niveis.

O Equipo de Normalización Lingüística sacou unha edición especial de "A Escardia fala", na que se recolleron os diferentes traballos elaborados polos nenos/as.